पोखरा घुम्न आउने आन्तरिक तथा बाह्य पर्यटकलाई लक्षित गरी पर्यटन व्यवसायी पोम नारायण श्रेष्ठले १० करोड रुपैयाँ लगानी गरेर लेकसाइटस्थित बाराही पथमा ‘पोम्स पेन्टहाउस’ सञ्चालनमा ल्याएका हुन् ।
काठमाडौं । पोखरामा पर्यटकको बसाई अवधि लम्बाउने उद्देश्यसहित लक्जरी सर्भिस अपार्टमेन्ट ‘पोम्स पेन्टहाउस’ सञ्चालनमा आएको छ ।
पोखरा घुम्न आउने आन्तरिक तथा बाह्य पर्यटकलाई लक्षित गरी पर्यटन व्यवसायी पोम नारायण श्रेष्ठले १० करोड रुपैयाँ लगानी गरेर लेकसाइटस्थित बाराही पथमा ‘पोम्स पेन्टहाउस’ सञ्चालनमा ल्याएका हुन् ।
समूह तथा परिवारसहित लामो वा छोटो अवधिका लागि पोखरा आउने पर्यटकलाई पोम्स पेन्टहाउस उपयुक्त हुने सञ्चालक श्रेष्ठले बताए । नेपाल चेम्बर अफ कमर्शका पूर्वअध्यक्ष राजेशकाजी श्रेष्ठले ‘पोम्स पेन्टहाउस’ सर्भिस अपार्टमेन्ट उद्घाटन गरे ।
‘लामो समय पोखरामा बस्न चाहने जो कोहीलाई पोम्स पेन्टहाउस निकै उपयोगी हुनेछ’ सञ्चालक श्रेष्ठले भने, ‘तर, एक दिनमात्र बस्ने पर्यटकले पनि अपार्टमेन्टको सर्भिस लिन सक्नेछन् ।’
अपार्टमेन्ट पूर्ण सुविधा सम्पन्न छ । किनकि, ग्याँस, भाडाँकुँडालगायत घरमा आवश्यक पर्ने सबै सुविधा अपार्टमेन्टमै उपलब्ध छन् ।
पारिवारिक वातावरणमा सेवा लिन चाहनेहरुका लागि अपार्टमेन्ट उपयुक्त हुने सञ्चालक श्रेष्ठले जानकारी दिए ।
करिव १० आना क्षेत्रफलमा बनेको सर्भिस अपार्टमेन्ट निर्माणमा १० करोड रुपैयाँ लगानी भएको छ । पोम्स पेन्टहाउसमा ६ वटा स्टुडियो अपार्टमेन्ट, दुई बेडरुमका ४ वटा अपार्टमेन्ट, थ्री बेडरुमका १ र ६ वटा सेयरिङ किचन रुम रहेका अपार्टमेन्ट रहेका छन् ।
अपार्टमेन्टमा अन्तर्राष्ट्रिय स्तरको सेवा सुविधा उपलब्ध गराउने सञ्चालक श्रेष्ठको प्रतिवद्धता छ ।
पोम्स पेन्टहाउसमा बस्नको लागि नेपालीले एक रातको तीन हजार देखि १० हजार रुपैयाँसम्म र विदेशीले ४० डलरदेखि १२० डलरसम्म खर्चिनुपर्ने हुन्छ ।
एक रातको नेपालीका लागि ३ हजार देखी १२ हजार सम्म र विदेशीलाई ४० डलर देखी १२० डलर सम्मका कोठा भएको अपार्टमेन्ट १० आना क्षेत्रफलमा निर्माण भएको छ भने यसमा करिब १० करोड लगानी भएको छ ।