गत आर्थिक वर्षको मौद्रिक नीतिमा जोखिमभार ७५ प्रतिशतबाट बढाएर १५० प्रतिशत पुर्याइएको थियो ।
काठमाडौं । राष्ट्र बैंकले घरजग्गा कारोबार चलायमान बनाउने गरी मौद्रिक नीति समिक्षा गरेको छ । राष्ट्र बैंकले शुक्रबार चालू आर्थिक वर्षको मौद्रिक नीतिको समीक्षामार्फत रियल स्टेट कर्जाको जोखिमभार घटाएको हो ।
राष्ट्र बैंकल रियलस्टेट कर्जाको 'जोखिम भार’ १२५ प्रतिशतमा झारेको हो । गत आर्थिक वर्षको मौद्रिक नीतिमा जोखिमभार ७५ प्रतिशतबाट बढाएर १५० प्रतिशत पुर्याइएको थियो ।
यो व्यवस्थासँगै घरजग्गामा कर्जा प्रवाह बढ्ने र सुस्ताएको घरजग्गा कारोबार पनि बढ्ने अपेक्षा गरिएको छ । पछिल्लो समय बैकमा तरलता बढ्नुका साथै कर्जाको ब्याजदर पनि घट्दै गइरहेकको छ ।
साथै, सरकारले कित्ताकाट पनि पुरानै अवस्थामा खुला गरिसकेको छ । सरकारले घरजग्गा कारोबार चलायमान गराई अर्थतन्त्रमा समेत सकरात्मक गति दिन चाहिरहेको देखिन्छ ।