काठमाडौं । तीव्र गतिमा फैलिरहेको भिषण डढेलोका संयुक्त राज्य अमेरिकाको क्यालिफोर्निया राज्यका लाखौं मान्छे र हजारौं घर तथा भवनहरु प्रभावित भएका छन् । यतिबेला क्यालिफोर्निया इतिहासकै सबैभन्दा भिषण आगलागीबाट गुज्रिरहेको छ ।

स्थानिय सञ्चार माध्यमहरुका अनुसार क्यालिफोर्नियाबाट लाखौं मान्छे घर छाडेर भाग्न बाध्य भएका छन् । डढेलोकै चपेटमा परेका लस एञ्जलसस्थित प्यासिफिक प्यालिसेड्सबाट दशौं हजार मान्छेको उद्दार गरिएको बीबीसी न्यूजमा उल्लेख छ ।

भिषण आगलागी रफ्तारमा फैलिँदै गएपछि हजारौं संख्यामा घर तथा भवनहरु जलेर नष्ट भइसकेका छन् । अझै आगलागी नियन्त्रणमा आउन सकेको छैन ।

लस एन्जलसस्थित अग्निनियन्त्रण विभागकका अनुसार आगलागी फैलिएको क्षेत्र करिव १३ सय एकरभन्दा बढी पुगेको छ । यस्तै, १० हजारभन्दा बढी घर र १३ हजार भन्दा बढी भवनहरु प्रभावित भएको प्रारम्भिक अनुमान छ ।

मंगलबार स्थानीय समयानुसार १०ः३० बजे सुरु भएको डढेलोले शक्तिशाली हुरी र सुख्खा अवस्थाका कारण भयानक रुपमा फैलिएको छ । आगो निभाउन ठूलो टोली खटिएको छ, तर तिब्र गतिमा फैलिइरहेको डढेलोका अगाडि निरिह भनेको छ ।

आगो फैलिएको क्षेत्रमा साढे दुई सयभन्दा बढी अग्नी नियन्त्रकहरु हेलिकोप्टर र दमकलसहित परिचालित छन् । भिडियोमा प्यासिफिक प्यालिसेड्स क्षेत्रका घरहरूमा आगो लागेको र मान्छेहरु आगोको लप्काबाट बच्न भागिरहेको देखिन्छ ।
गाडी छाडेर मान्छे भागेपछि सडकमा ट्राफिक जाम भएको देखिन्छ । सडकमा अलपत्र छाडिएका गाडीलाई बुलडोजर र क्रेनको सहायताले साइड लगाउने काम जारी छ । अग्नी नियन्त्रकलाई सहज आवतजावनका लागि गाडी साइड लगानुपरेको हो ।

प्यासिफिक प्यालिसेड्स एउटा दुर्गम तर उच्च जनघनत्व भएको क्षेत्र हो । लस एन्जलस क्यालिफोर्निया राज्यको सबैभन्दा उच्च जनघनत्व र अमेरिकाको न्यूयोर्क सहरपछिको दोस्रो जनघनत्व भएको शहरमा पर्छ ।

डढेलोले हलिउड चलचित्र उद्योगलाई शंकेत गर्ने चिन्ह रहेको हलिवुड हिल्समा पनि फैलिरहेको छ । यस्तै, अमेरिकी धनाढ्यहरु बस्ने कैयौं क्षेत्रहरु खाली गराइएका छन् । सबैभन्दा बढी प्रभावित प्यासिफिक प्यालिसेड्स क्षेत्र बनेको छ ।

प्यालीसेड्स, इटन, हस्र्ट, वुड्ली, भेन्टुरा काउन्टी, लस एन्जलस, इटनलगायत क्षेत्रहरुमा डढेलोको बढी प्रभाव देखिएको छ । त्यहाँबाट लाखौं मानिसले बाध्यकारी रुपमा घर छाड्नु परेको छ भने हजारौं संरचनामा क्षति पुगेको बताइएको छ ।

अग्नी नियन्त्रकहरुले घरघरमा पुगेर धेरैको ज्यान जोगाएका छन् । प्यालीसेड्स क्षेत्रमा मात्रै कम्तीमा १ हजार भवनहरू आगोले नष्ट भइसकेको बताइएको छ । कैयौं हलिवुड कलाकारहरूका निवास पनि जलेर नष्ट भएका छन् ।

प्यारिस हिल्टन, बिली क्रिस्टलजस्ता कैयौँ चर्चित कलाकारहरूका निवास नष्ट भएको बताइएको छ ।

-एजेन्सीको सहयोगमा

Articles By: Nepalhomes

ताजा अपडेट

सिटिजन्स बैंकबाट ७.९९% स्थिर ब्याजदरमा घरकर्जा पाइने

मंसिरमा रियल इस्टेट कर्जामा बढोत्तरी

सात करोडको काठ वन कार्यालयमै कुहिँदै

टीकापुर जग्गा प्रकरण: अध्यक्ष जोशीसहित ८७ जना दोषी ठहर

अमेरिकामा भिषण डढेलोले २५ हजारभन्दा बढी घर तथा भवनहरु जलेर नष्ट

पोखरामा खुल्यो ‘धुँवा सेतो र इँटा रातो’ बनाउने वातावणमैत्री इँटाभट्टा

कुश्माको द क्लिफमा विश्वकै लामो र अग्लो ‘मेगाट्रोल’ को सफल परिक्षण

प्रथम त्रैमासमा रियल इस्टेट क्षेत्रको वृद्धिदर ३.१%, निर्माण क्षेत्र अझै संकुचनमै