कतिपय सामुदायिक विद्यालयले विद्यालयको भवन/हाताभित्र रहेका सटर भाडामा लगाउँदै आएका छन् । कतिपय सटरको नक्सा पाससमेत नभएको अनुगमनका क्रममा देखिएको महानगरले जनाएको छ ।
काठमाडौं । अब काठमाडौं महानगरपालिकाभित्र सञ्चालित सामुदायिक विद्यालयहरुको सटर भाडा सम्झौता नविकरण नहुने भएको छ ।
विद्यालयको भवन/हाताभित्र रहेका सटरहरुको भाडा सम्झौताको म्याद समाप्त भएपछि नविकरण नगर्न महानगरको शिक्षा विभागले सम्बन्धित विद्यालयहरुलाई निर्देशन दिएको छ ।
कतिपय सामुदायिक विद्यालयले विद्यालयको भवन/हाताभित्र रहेका सटर भाडामा लगाउँदै आएका छन् । कतिपय सटरको नक्सा पाससमेत नभएको अनुगमनका क्रममा देखिएको महानगरले जनाएको छ ।
सामुदायिक विद्यालयले विद्यालय हाताभित्र नक्सा पास नगरी टहरा बनाएर भाडमा लगाउँदै आएका छन् । जसले गर्दा विद्यार्थीलाई खेल्ने ठाउँको अभाव भएको गुनासो आइरहेको थियो ।
महानगरको शिक्षा विभागको टोलीले १२ माघदेखि सटर भाडामा लगाउने सामुदायिक विदालयको अनुगमन सुरु गरेको थियो ।
काठमाडौं महानगरभित्र काराकारभित्रका बाहेक ८४ वटा सामुदायिक विद्यालय सञ्चालनमा छन्, जसमध्ये करिव तीन दर्जन विद्यालयले भवन तथा टहरा बनाएर भाडामा लगाउँदै आएको भेटिएको छ ।