शान्त र रमणिय ठाउँमा अवस्थित जलविनायक कोलोनी ४६ रोपनी क्षेत्रफलमा फैलिएको छ । जहाँ ८५ वटा घरहरु भएको सुविधा सम्पन्न कोलोनी बन्नेछ ।
काठमाडौं । के तपाईं किर्तीपुरको चोभारतिर सुविधायूक्त घरघडेरी किन्न खोजिरहनु भएको छ । यदि छ भने चोभारस्थित जलविनायक कोलोनी तपाईंका लागि उपयुक्त हुन सक्छ ।
बल्खुबाट चार किलोमिटर दुरीमा रहेको जलविनायक कोलोनीमा अझै पनि १५ बंग्लो र १३ वटा घडेरी बिक्रीमा रहेको एसल्यान्ड प्रोपर्टीजका सेल्स म्यानेजर चिरञ्जिवी आचार्यले बताए । जलविनायकका घर तथा घडेरी बिक्रीको जिम्मेवारी एसल्यान्ड प्रोपर्टीजले लिएको छ ।
शान्त र रमणिय ठाउँमा अवस्थित जलविनायक कोलोनी ४६ रोपनी क्षेत्रफलमा फैलिएको छ । जहाँ ८५ वटा घरहरु भएको सुविधा सम्पन्न कोलोनी बन्नेछ ।
अहिले जलविनायक कोलोनीमा २६ वटा घर र ५९ वटा घडेरी तयार भएका छन् । ग्राहकलाई घडेरी खरिद गरेर आफै घर बनाउन सक्ने सुविधा दिइएको छ ।
कोलोनीमा साढे दुई र साढे तीन तलाका २६ वटा बंग्लो (घर) बनिसकेका छन्, जसमध्ये १५ घरमात्र बिक्री गर्न बाँकी रहेको आचार्यले बताए । यस्तै, ५९ घडेरीमध्ये बिक्रीका लागि १३ वटामात्र उपलब्ध छन् ।
कोलोनीभित्र बच्चाहरु खेल्नका लागि ३७ आना खुला भाग राखेको बताइएको छ ।
कोलोनीमा चार, ६, आठ, १०, ११ आनादेखि ३१ आनासम्मका ठूला प्लटहरु पनि उपलब्ध छन् । ग्राहकले आफुलाई आवश्यक घरघडेरी छानीछानी खरिद गर्न पाउनेछन् ।
एसल्यान्ड प्रोपर्टीजका अनुसार घरहरु चार आनादेखि आठ अनासम्म क्षेत्रफलसम्म निर्माण गरिएको छ । अहिले बिक्रीमा उपलब्ध घरहरुको मूल्य न्यूनतम दुई करोड ४० लाख रुपैयाँदेखि अधिकतम चार करोड २५ लाख रुपैयाँसम्म रहेको आचार्यले बताए ।
यस्तै, घडेरीको मूल्य प्रतिआना न्यूनतम २६ लाखदेखि ३२ लाख रुपैयाँसम्म राखिएको छ । कोलोनीमा ३१ आनासम्मका घडेरी उपलब्ध रहेको बताइएको छ ।
कोलोनीमा बेसमेन्ट सहितका घरहरु पनि उपलब्ध छन् । घरहरु आकर्षक डिजाइनमा बनेका छन् । यस्तै, कोलोनीभित्र पक्की सडक, ढल, पानी, बिजुली, खुला ठाउँ, चौबिसै घण्टा सेकुरिटी गार्ड लगायत सुविधाहरु रहेका छन् ।
कोलोनी काठमाडौं–तराई द्रुतमार्गबाट नजिकै रहेको छ । त्यो सडक बनेपछि जग्गाको भाउ अझै बढ्ने निश्चित छ । यस्तै, छेवैमा मञ्जुश्री पार्क र वुप्पी ल्यान्ड रहेको छ । मेडिसिटी हस्पिटलबाट तीन किमी र चोभार सुख्खा बन्दरगाहबाट आठ सय मिटर दुरिमा कोलोनी रहेको छ ।
कोलोनीमा घर तथा घडेरी खरिद गर्नका लागि बैंक फाइनान्सिङको सुविधा पनि छ । बैंकिङ सुविधा ७० प्रतिशतसम्म उपलब्ध गराएको आचार्यले बताए । बैंकमा कर्जाको प्रकृया समेत कम्पनीले गरिदिनेछ ।
कम्पनीले १५ वैशाखमा सबै ग्राहकलाई बोलाएर घर घडेरी देखाउने तयारी गरिरहेको छ । त्यसैलाई तार्गेट गरेर कम्पनीले अफर प्राइस ल्याएको जनाएको छ । पछि घर तथा घडेरीको मूल्य बढ्ने कम्पनीले जनाएको छ ।