०७९ फागुनसम्म सुरक्षित नागरिक आवास कार्यक्रम अन्तर्गत ७५३ स्थानीय तहका एक लाख ८९ हजार २३० फुस (खर)का छानालाई जस्तापाताले विस्थापन गर्न आवास संख्या निर्धारण भएको छ ।
काठमाडौं । चालु आर्थिक वर्षको फागुनसम्म जनता आवास कार्यक्रम अन्तर्गत १९ हजार ६४५ आवास इकाइ निर्माणको चरणमा रहेका छन् ।
०७९ आसारसम्म जनता आवास कार्यक्रमअन्तर्गत ३६ हजार ३२५ आवास इकाइ निर्माण सम्पन्न भएको ‘आर्थिक सर्वेक्षण ०७९–८०’ मा उल्लेख छ ।
सबै इकाइ निर्माण सम्पन्न हुँदा यस कार्यक्रम अन्तर्गत ५६ हजार आवास तयार हुनेछन् ।
०७९ फागुनसम्म शिक्षा, स्वास्थ्य, पूर्वाधार र रोजगारीका अवसर सहितको एीकृत आधुनिक सुरक्षित बस्ती विकास कार्यक्रम अन्तर्गत मुगुमा ३५ परिवारको आवास निर्माण सम्पन्न भएको सरकारले जनाएको छ ।
सोही कार्यक्रम अन्तर्गत डडेल्धुराको परशुराम नगरपालिकामा ३२ परिवारको लागि एकीकृत बस्ती निर्माण कार्य भइरहेको बताइएको छ ।
०७९ फागुनसम्म सुरक्षित नागरिक आवास कार्यक्रम अन्तर्गत ७५३ स्थानीय तहका एक लाख ८९ हजार २३० फुस (खर)का छानालाई जस्तापाताले विस्थापन गर्न आवास संख्या निर्धारण भएको छ ।
सोही कार्यक्रम अन्तर्गत ०७९ फागुनसम्म ४८ हजार ३१४ आवास इकाइ निर्माण सम्पन्न भएका छन् ।