अपार्टमेन्ट किनबेच घट्यो, ११ महिनामा ३३१ युनिट किनबेच

काठमाडौं । यस वर्ष घरजग्गा किनबेच बढे पनि बहुतले आवास अपार्टमेन्ट किनबेच भने घटेको छ । 

०८० को वैशाखदेखि फागुन महिनासम्म देशभर ३३१ युनिट अपार्टमेन्ट किनबेच भएका छन् । जबकी, ०७९ को सोही अवधिमा ४०५ युनिट अपार्टमेन्ट किनबेच भएको भूमि व्यवस्थापन विभागको तथ्यांक छ ।

वैशाखमा ३० युनिट, जेठमा २९, असारमा ३३, साउनमा ३०, भदौमा ४५, असोजमा ३८, कात्तिकमा २२, मंसिरमा २२, पुसमा २८, माघमा २५ र फागुनमा २९ युनिट अपार्टमेन्ट किनबेच भएका छन् ।

नेपालमा बिक्री गर्नका लागि अपार्टमेन्ट युनिट नहुँदा किनबेच घटेको व्यवसायीको जिकिर छ । भूकम्पयता नयाँ अपार्टमेन्ट बन्‍न सकेका छैनन् । पुराना अपार्टमेन्टमा बिक्रीका लागि स्टक युनिट छैनन् । 

फागुनमा ललितपुरमा ८, काठमाडौंमा १९ र कास्कीमा एउटा गरी २९ वटा अपार्टमेन्ट किनबेच भएका छन् ।