घरजग्गा किनबेचमा कडाई, पूँजीगत लाभकर ७.५ प्रतिशत पुग्यो

काठमाडौं । । सरकारले घरजग्गा किनबेचमा लाग्दै आएको पूँजीगत लाभकर बढाएको छ । अर्थमन्त्री जनार्दन शर्माले आगामी आर्थिक वर्षको बजेटमार्फत पूँजीगत लाभकर बढाएका हुन् ।

सरकारले घरजग्गा बिक्री गर्दा लाग्‍ने २.५ प्रतिशत पूँजीगत लाभकर बढाएर पाँच प्रतिशत पुर्‍याएको  छ भने पाँच प्रतिशत लाभकर सात प्रतिशत पुर्‍याएको   छ । विगतमा घरजग्गाको पाँच वर्षभन्दा बढी स्वामित्व लिइ बिक्री गरेमा लाभमा अढाई प्रतिशत र पाँच वर्षभन्दा कम अवधिमै बिक्री गरेमा लाभमा पाँच प्रतिशत लाभकर लाग्दै आएको थियो ।

आगामी आर्थिक वर्षदेखि पाँच वर्षभन्दा बढी स्वामित्व लिई बिक्री गरेमा लाभकर पाँच प्रतिशत र पाँच वर्षभन्दा कम अवधिमै बिक्री गरेमा लाभकर ७ प्रतिशत तिर्नुपर्नेछ ।

अन्य व्यवसायको तुलनामा पूँजीगत लाभकर कम भएका कारण घरजग्गा कारोबारमा धेरै लगानी ओइरिएको निष्कर्ष निकाल्दै सरकारले घरजग्गा कारोबारमा पूँजीगत लाभकर बढाउने भएको छ । पछिल्लो समय सरकार घरजग्गा कारोबारमा कडाई गर्दै अगाडि बढिरहेको छ ।

दर परिवर्तन हुँदा घरजग्गामा हुने अनुत्पादक लगानी निरुत्साहित हुने र जग्गाको कृतिम मूल्यबृद्धि नियन्त्रणमा समेत सहज हुने सरकारको विश्वास छ ।