बढ्दै गइरहेको कित्ताकाटमा लाग्यो झ्याप्प ब्रेक

काठमाडौं । मंसियरयता निरन्तर बढिरहेको जग्गाको कित्ताकाट फागुन महिनामा घटेको छ । फागुनमा घरजग्गा कारोबार बढ्न नसकेपछि कित्ताकाटमा पनि ब्रेक लागेको हो ।

फागुनमा देशभर ५६ हजार ७१५ जग्गा कित्ताकाट भई एक लाख २९ हजार कित्ता पुगेका छन् । अघिल्लो महिना माघमा ५७ हजार ६२४ जग्गा कित्ताकाट भई एक लाख ३१ ह्जार २८४ कित्ता पुगेका थिए ।

कात्तिकमा देशभरी ७० हजार मात्रै कित्ताकाट भएको भूमि विभागको तथ्यांक छ । मंसिरमा एक लाख १० हजार, पुसमा एक लाख १ लाख १९ हजार, माघमा एक लाख ३१ हजार कित्ताकाट भएको तथ्यांक छ ।   

निरन्तर घरजग्गा कारोबारसँगै कित्ताकाट पनि बढ्न थालेपछि मन्दीमा फसेको घरजग्गा कारोबार लयमा फर्किन थालेको अनुमान गरिएको थियो । तर, फागुन महिनामा घरजग्गा कारोबार स्थिर रहनु, राजश्व उठ्ती र कित्ताकाट घट्नुले बजार मन्दीकै दबावमा रहेको संकेत दिएको छ ।

११ महिनामा ११ लाख कित्ताकाट

चालू वर्षको ११ महिनामा  ११ लाख दुई हजार ५०१ कित्ताकाट भएका छन् । यो संख्या गत वर्षको सोही अवधिको तुलनामा ५ लाख ५९ हजारले बढी हो । गत वर्षको ११ महिनामा देशभरी पाँच लाख ४३ हजार ५८० कित्ताकाट भएको देखिन्छ ।

तथ्यांकले यस वर्ष औषतमा प्रतिमहिना एक लाखका दरले कित्ताकाट भएको देखाउँछ ।