एनएमबि बैंकमा १०.४९% स्थिर ब्याजमै घरकर्जा !

काठमाडौं । बैंक तथा वित्तीय संस्थाहरुमा तरलता (लगानीयोग्य रकम) बढ्दै गएपछि निक्षेपसँगै कर्जाको ब्याजदर पनि घट्न थालेको छ । अहिले बैंकहरु सस्तो ब्याजदरको कर्जाका स्किम ल्याउन थालेका छन् । 

यसै क्रममा ‘क’ वर्गको एनमबि बैंकले स्थिर ब्याजदरको ‘शुलभ घरकर्जा’ स्किम सार्वजनिक गरेको छ । बैंकले १० वर्षसम्मका लागि १०.४९ प्रतिशत स्थिर ब्याजदर (फिक्स रेट) को घरकर्जा योजना ल्याएको हो । 

‘हुनेछ सुरुवात समृृद्ध भविष्यको, जब बन्छ घर आफ्नै सपनाको’ भन्‍ने नारासहित बैंकले सस्तो ब्याजदरको घरकर्जा योजना ल्याएको जनाएको छ । यो स्किमले घर खरिद गर्न वा निर्माण गर्ने योजनामा रहेका ग्राहकहरु लाभान्वित हुनेछन् । 

यो स्किम अन्तर्गत घरकर्जा लिँदा बजारमा जतिसुकै उतारचढाव आएपनि १० वर्षसम्म बैंकको ब्याजदर तलमाथि हुने छैन् । यसले ग्राहकलाई आफ्नो आम्दानीअनुसार ढुक्क भएर कर्जा लिने योजना बनाउन पनि सहज हुने अनुमान छ ।