न्यूरोड, दरबारमार्गको सरकारी मूल्य प्रतिआना ६० लाख ! कुन ठाउँको कति ? (सूचिसहित)

सरकारले काठमाडौं जिल्लाभित्र पर्ने जग्गाको न्यूनतम मूल्यांकन ४० प्रतिशतसम्म वृद्धि गरेर नयाँ मूल्य निर्धारण गरेको छ । काठमाडौं उपत्यकाको जग्गा कारोबार गर्ने ६ वटै मालपोत कार्यालयहरुले जग्गाको नयाँ न्यूनतम मूल्यांकन गरेका हुन् । सरकारले जग्गा किनबेच गर्दा रजिष्ट्रेसन हुने लिखतमा थैली रकम कायम गर्नका लागि न्यूनतम मूल्य कायम गर्छ ।

काठमाडौंका प्रमुख जिल्ला अधिकारी रामप्रसाद आचार्यको अध्यक्षतामा गत असार २६ गते बसेको बैठकले मूल्यांकन बढाउने निर्णय गरेको थियो । सो निर्णय साउन १ गतेदेखि नै लागू भएको छ । मालपोत कार्यालयले न्यूनतम ६० लाखसम्म न्यूनतम मूल्यांकन गरेका छन् । न्यूरोड, दरबारमार्ग, माइतीघर क्षेत्रमा अधिकतम मूल्यांकन छ ।

मालपोत कार्यालय साँखुले कागेश्वरी मनहरा नगरपालिकामा १० प्रतिशत, मनमैजु पालपोतले पाँच प्रतिशत मूल्यांकन बढाएका छन् । यस्तै, चावहिल र टोखा कार्यालयले पनि आफ्नो क्षेत्रको मूल्यांकन वृद्धि गरेका छन् । कलंकी मलपोत कार्यालयले ३० प्रतिशतसम्म जग्गाको मूल्य बढाएको छ ।

सोल्टीमोडबाट कलंकी हुँदै बल्खुसम्म ३३ लाख, बल्खु चोकदेखि कीर्तिपुरको गेटसम्म प्रतिआना १८ लाख, सीतापाइला चोकदेखि छाउनी वडा नं. १३ को सीमासम्म प्रतिआना २० लाख रुपैयाँ कायम गरिएको छ ।

मालपोत कार्यालय कलंकीले बल्खुदेखि बनस्थलीसम्म चक्रपथसँग जोडिएको दायाँ बायाँको जग्गाको मूल्यांकन प्रतिआना ३५ लाख पु¥याएको छ । विष्णुमतिदेखि रविभवनसम्म प्रतिआना ३३ लाख, कालिमाटीदेखि बल्खुसम्म प्रतिआना ३३, टेकु–कालीमाटी मुल सडकको उत्तरतर्फ प्रतिआना २१ निर्धारण गरिएको छ ।

सोल्टीमोडबाट कलंकी हुँदै बल्खुसम्म ३३ लाख, बल्खु चोकदेखि कीर्तिपुरको गेटसम्म प्रतिआना१८ लाख, सीतापाइला चोकदेखि छाउनी वडा नं. १३ को सीमासम्म प्रतिआना २० लाख रुपैयाँ कायम गरिएको छ । कीर्तिपुर नगरपालिका वडा नम्बर १, २, ३, ४, ५, ६, ७, ८, ९ र १० मा सामान्य बाहेक न्यूनतम मूल्य यथावत राखिएको छ ।  

नगार्जुन नगरपालिकामा प्रतिआना ५० हजारदेखि दुई लाखसम्म मूल्यांकन वृद्धि भएको छ । चन्द्रागिरी नगरपालिकामा ३ लाखसम्म र दक्षिणकाली नगरपालिकामा १ लाखसम्म मूल्यांकन वृद्धि भएको छ । मालपोत कार्यालय साँखुले सबैभन्दा बढी प्रतिआना १७ लाखसम्म जग्गाको मूल्य कामय गरेको छ । साँखु जाने मुल सडकको दायाँ बायाँ ११ लाख तोकेको छ । सहायक सडकमा जोडिएको जग्गाको ८ लाख रुपैयाँ तोकिएको छ ।

काठमाडौं जिल्लामा ६ वटा मालपोत कार्यालय छन्, चावाहिल, डिल्लीबजार, कलंकी, मनमैजु, साँखु र टोखा । सबै मालपोत कार्यालयहरुले आ–आफ्नो क्षेत्रभित्र पर्ने जग्गाको सरकारी मुल्यांकन गरेका छन् ।

कुन क्षेत्रको सरकारी मुल्यांकन कति ? थाहा पाउन तलका लिंक क्लिक गर्नुहोस् ।

• चावाहिल मालपोत कार्यालय
• डिल्लीबजार मालपोत कार्यालय
• कलंकी मालपोत कार्यालय
• मनमैजु मालपोत कार्यालय
• साँखु मालपोत कार्यालय
• टोखा मालपोत कार्यालय