फूलैफूलले सिंगारिएको काठमाडौं (फोटोफिचर)

काठमडौं । लामो समयको लकडाउनले काठमाडौं उपत्यकाको वातावरण स्वच्छ बनेको छ । सडकमा गाडीको चाप घटेपछि बायुमण्डलमा धुलो र धुवाँ छैन । धेरै वर्षपछि मौसम खुलेको छ । काठमाडौंबाटै छर्लङ्ग हिमालहरु देखिइएका छन् । 

यही बेला वैजनी फुलले थप सुन्दरता थपिदिएको छ । सडकमा झरेका फुलहरुले बैजनी कलरको गलैंचा बिच्छाएको अभाष दिलाउँछ । करीव दुई सय वर्षयता काठमाडौंको रैथाने सरह बनेको ज्याकारन्डा फुलले यतिबेला काठमाडौं सुन्दर बनेको छ ।

बरिष्ठ वनस्पतिविद तीर्थबहदुर श्रेष्ठ  भन्छन्, ‘ज्याकारन्डा कहिले भित्रियो यकिनसाथ भन्न नसकेपनि १९औं शताब्दीको उत्तराद्र्धतिर काठमाडौं भित्रिएको हुन सक्छ ।’ उनी राणा परिवारले ज्याकारन्ड भित्र्यएको बताउँछन् ।

यो बिरुवा प्रधानमन्त्री वीर शमशेरको परिवारका सदस्य सुर शमशेर राणाले वि.सं. १९२० को दशकमा भारतको पहाडी भेगबाट नेपाल ल्याएको जानकारहरु भन्छन् ।