काठमाडौंमा अनधिकृत पार्किङ गरे १० हजार रुपैयाँसम्म जरिवाना

काठमाडौं । काठमाडौं महानगरपालिकाभित्र अनधिकृत रुपमा सवारी साधन पार्किङ गर्दै हुनुहुन्छ भने ख्याल गर्नुहोला । महानगरले अनधिकृत पार्किङ गरे १० हजारसम्म जरिवाना लगाउने घोषणा गरेको छ ।

महानगरपालिकाले बुधबार सार्वजनिक गरेको आर्थिक विधेयक २०७७ मार्फत अनाधिकृत पार्किङ गर्नेलाई चर्को जरिवाना लगाउने निर्णय गरेको हो । अनधिकृत पार्किङ गर्नेलाई सीसी अनुसार १ हजार रुपैयाँदेखि १० हजार रुपैयाँसम्म तिनुपर्ने छ । 

विधेयक अनुसार मोटरसाइकल तथा स्कुटरले अनधिकृत पार्किङ गरेर  १ हजार रुपैयाँ तिर्नुपर्नेछ ।

तीन पाङग्रे सवारीसाधनले २ हजार रुपैयाँ, एक हजार सीसीसम्मका गाडीले २५ सय रुपैयाँ, एक हजारदेखि १५ सय सीसीसम्मले ५ हजार रुपैयाँ, १५ सयदेखि २२ सय सीसीसम्मका लागि ७ हजार रूपैयाँ तोकिएको छ ।

यस्तै, २२ सय सीसीभन्दा माथी सबैका गाडीका लागि १० हजार रुपैयाँ तोकिएको छ ।