दशैं अफरः रविभवनमा साढे ७ लाख डाउन पेमेन्टमै अपार्टमेन्ट किन्‍न पाइने

काठमाडाैँ । नेपालीहरुको महान पर्व वडादशैं नजिकिँदै जाँदा हाउजिङ तथा अपार्टमेन्ट परियोजनाले पनि अफर घोषणा गर्न थालेका छन् ।

यसै क्रममा रविभवनमा रहेको सोल्टी सिटी अपार्टमेन्टले १० प्रतिशत डाउन पेमेन्टमै फ्ल्याट खरिद गर्न सकिने अफर ल्याएको छ । 

सोल्टी सिटीमा एक, दुई र तीन बीचएके (बेडरुम, लिभिङ हल, किचन) अपार्टमेन्ट बिक्रीमा उपलब्ध छन् ।  

एक बीएचको अपार्टमेन्ट ७.५ लाख डाउन पेमेन्ट गरेर खरिद गर्न सकिने कम्पनीले जनाएको छ । एक बिएचके अपार्टमेन्ट ३८० वर्गफिटको छ, जसको मूल्य ७६ लाख रुपैयाँ तोकिएको छ ।

यस्तै, दुई बीएचके अपार्टमेन्ट खरिद गर्न १२.५ लाख रुपैयाँ डाउन पेमेन्ट गर्नुपर्ने कम्पनीले जनाएको छ । दुई बीएचके अपार्टमेन्ट ६४२ देखि ८१८ वर्गफिट क्षेत्रफलसम्मका छन्, जसको मूल्य दुई बीएचको १ करोड २८ लाखदेखि १ करोड ७२ लाख रुपैयाँसम्म रहेको छ ।

तीन बीएचको अपार्टमेन्ट ९०० र ११६० वर्गफिट क्षेत्रफलका छन् । यी अपार्टमेन्टको मूल्य मूल्य १ करोड ८९ लाखदेखि २ करोड ४३ लाख रुपैयाँसम्म तोकेको कम्पनीले जनाएको छ । तीन बीएचको अपार्टमेन्ट खरिद गर्न १८ लाख डाउन पेमेन्ट गरे पुग्‍ने बताइएको छ ।

यस्तो हुनेछ किस्ता

कम्पनीका अनुसार, हरेक अपार्टमेन्टमा ७० प्रतिशत रकम सिद्धार्थ बैंकले कर्जा लगानी गरिदिने छ । ३० प्रतिशत रकम खरिदकर्ता आफैले जोहो गर्नुपर्ने हुन्छ । सुरुवातमा १० प्रतिशत रकम डाउन पेमेन्ट गर्ने वित्तिकै सोल्टी सिटीले अपार्टमेन्टको चाँबी हस्तान्तरण गर्नेछ । 

यस्तै, २० प्रतिशत रकम कम्पनीलाई एक वर्षमा किस्तामा तिर्नुपर्ने बताइएको छ । बाँकी ७० प्रतिशत रकम बैंकको ऋण हुनेछ । बैंक ऋणका लागि कम्पनी आफैले प्रकृया अगाडि बढाइदिने जनाएको छ । 

सिद्धार्थ बैंकबाट १० देखि २५ वर्षसम्म किस्ता तिर्ने गरी कर्जा उपलब्ध हुनेछ । बैंकको ब्याजदर अहिले ११.७५ प्रतिशत रहेको छ । 

यदि कुनै ग्राहकले पुरै नगद तिरेर अपार्टमेन्ट खरिद गर्न चाहेमा पाँच प्रतिशत डिस्काउन्ट दिने पनि कम्पनीले जनाएको छ । 

एक बीएचकेको ५५ हजार मासिक किस्ता

यदि एक बीएचके अपार्टमेन्ट २५ वर्ष अवधिको बैंक ऋण लिएर खरिद गरेमा सुरुमै ७ लाख ५० हजार डाउन पेमेन्ट बुझाउनुपर्छ । यस्तै, एक वर्षमा १५ लाख ३० हजार रुपैयाँ मासिक एक लाख २७ हजारका दरले कम्पनीलाई बुझाउनुपर्ने भयो । 

बैंकले ५३ लाख २० हजार कर्जा दिनेछ, जसको मासिक किस्ता करिव ५३ हजार पर्न आउने देखिन्छ ।