सञ्चय कोषबाट घर सापटी कर्जा कसरी लिने ? यस्तो छ ब्याजदर

काठमाडौं । कर्मचारी सञ्चय कोषले आफ्ना सञ्चयकर्ताहरुलाई आवासको व्यवस्था गर्न घर सापटी कर्जा दिँदै आएको छ । कोषले ०८० भदौदेखि ‘सञ्चयकर्ता घर सापटी कर्जा’ दिन सुरुवात गरेको हो । 

तर, घर सापटी कर्जा लिनका लागि सञ्चय कोषको सञ्चयकर्ता हुनैपर्छ । सञ्चयकर्ताले घर बनाउन सञ्चय कोषले दिने घर सापटी कर्जा सबैभन्दा उपयुक्त हुन सक्छ । 

सञ्चय कोषको कर्जाको ब्याजदर अरु बैंक तथा वित्तीय संस्थाहरुको भन्दा तुलनात्मक रुपमा सस्तो पनि हुन्छ ।

कर्जाको ब्याजदर

कोषले ब्याजदर आर्थिक वर्ष ०८०/८१ का लागि विशेष सापटी कर्जाको ब्याजदर ८.६० प्रतिशतदेखि ९.७५ प्रतिशतसम्म कायम गरेको छ । 

विशेष सापटीतर्फ सञ्चय कोष रकमको ८० प्रतिशतसम्म कर्जा लिन पाइन्छ, जसको ब्याजदर सबैभन्दा सस्तो ८.६० प्रतिशत रहेको छ । 

घर सापटी कर्जा र जग्गा खरिद सापटी कर्जा अधिकतम एक करोड रुपैयाँसम्म लिन पाइन्छ, जसको ब्याजदर ९.२५ प्रतिशत रहेको छ । घर मर्मत सापटी २५ लाखसम्म लिन पाइन्छ । यो कर्जाको ब्याजदर ९.२५ प्रतिशत रहेको छ । 

यस्तै, शैक्षिक सापटी १० देखि २५ लाख रुपैयाँसम्म ९.२५ प्रतिशत ब्याजदरमा र सरल चक्रकर्जा ३० लाखसम्म ९.२५ प्रतिशत ब्याजदर रहेको छ ।

घर सापटी कर्जा लिने प्रकृया

सञ्चय कोषले नयाँ घर निर्माण गर्न, घरको तला थप गर्न र घर खरिद गर्न कर्जा सापटी दिने गर्छ ।  

योग्यता: 

एक बर्ष नियमित कोष कट्टी गरेका र उमेर वा पदावधिको आधारमा २ बर्ष सेवा बाँकी रहेको 
 
सीमा:  

धितो मूल्यांकनमा नबढ्ने गरी बढीमा रु. १ करोड: 

• २-५ बर्ष सेवा अवधि बाँकी भएका सञ्चयकर्ताको हकमा ८ बर्षको तलबमान । 
• ५-१० बर्ष ‍‍‍ सेवा अवधि बाँकी भएका सञ्चयकर्ताको हकमा १२ बर्षको तलबमान 
• १० बर्षभन्दा बढी सेवा अवधि बाँकी भएका सञ्चयकर्ताको हकमा १५ बर्षको तलबमान 

 
अवधि:

ग्रेश अवधि सहित अधिकतम २० बर्ष 
 
सापटी प्रवाह:

कम्तीमा २ किस्ता र घर निर्माणको हकमा कार्य प्रगतिको आधारमा अधिकतम ४ किस्ता, प्रथम किस्ता ५० प्रतिशत सम्म हुने, तर घर खरिदको हकमा एकमुष्ठ प्रदान गरिने ।
 
सापटी प्रवाह:

डिपीसीको कार्य सम्पन्न भए पछि मात्र प्रवाह हुने, एउटै धितोले खामे सम्म पती पत्नी दुबै जनाको तलबमानबाट सापटी दिन सकिने

आवश्यक कागजातहरु

• कोषको परिचयपत्र 
• सम्बन्धित कार्यालयको सिफारिस सहितको दरखास्त फाराम
• जग्गाको लालपूर्जा 
• स्वामित्व प्राप्ति लिखत 
• जग्गाको नापी नक्सा र नापी शाखाबाट प्रमाणाित ट्रेस पेपर
• घर निर्माणको इजाजतपत्र 
• जग्गा धनी तथा ऋणीको नागरिकता र नाता प्रमाणित पत्र 
• चार किल्ला ( ९सक्कल पत्र)
• नापी नक्सा  ( ९सक्कल)
• चालु आवको मालपोत तिरेको रसिद
• सम्बन्धित कार्यलयबाट अवकाश हुने मिति र तलवमान खुलेको पत्र
• घर खरिदकर्ता र बिक्रिकर्ताको सम्झौता (घर खरिदको लागि मात्र)
• ५० लाख भन्दा बढीको लागि स्वःघोषणा पत्र