महिनैपिच्छे घट्दै ब्याजदर, अब बढ्ला कर्जा ?

मंसिरमा वाणिज्य बैंकहरुको व्यक्तिगत मुद्दती बचततर्फ सबैभन्दा बढी ब्याजदर १०.६ प्रतिशत र सबैभन्दा कम ८.९६ प्रतिशत कायम गरिएको छ ।

367B408218B985F-icon.png
830views
D0EE95DCC7C8458-BankSketch_20220502160413.jpg

काठमाडौं । निक्षेपको ब्याजदर घट्न थालेपछि बैंकको कर्जा पनि सस्तिन थालेको छ । वाणिज्य बैंकहरुले महिनैपिच्छे बचतको ब्याजदर घटाउन थालेका छन् ।

मंसिरमा वाणिज्य बैंकको व्यक्तिगत मुद्दती बचततर्फ औषत ब्याजदर एकल बिन्दूमा झरेको छ । मंसिरमा औषत व्याजदर ९.७१ प्रतिशतमा झरेको छ । यस्तै, संस्थागत निक्षेपको पनि ब्याजदर घटेर ७.५४ प्रतिशत कायम भएको छ ।

मंसिर महिनाका लागि बैंकहरुले बिहीबार नयाँ ब्याजदर प्रकाशित गरेका छन्, जसमा १२ वाणिज्य बैंकले व्यक्तिगत मुद्दती बचतको ब्याजदर घटाएका छन् भने ६ बैंकको स्थिर र दुई बैंकको ब्याजदर बढेको छ । 

कुल २० वाणिज्य बैंकमध्ये १३ बैंकले संस्थागत बचतको ब्याजदर घटाएको देखिन्छ ।

अहिले व्यक्तिगत मुद्दती बचततर्फ बैंकको सबैभन्दा बढी ब्याजदर १०.६ प्रतिशत र सबैभन्दा कम ८.९६ प्रतिशत कायम भएको छ । 

हिमालयन बैंक, स्टान्डर्ड चार्टर्ड बैंक, एसबिआइ बैंक र माछापुच्छे बैंकको ब्याजदर सबैभन्दा धेरै १०.६ प्रतिशत कायम छ । कुमारी बैंक, सनराइज बैंक र प्राइम कमर्सियल बैंकको ब्याजदर पनि १० प्रतिशतभन्दा माथि नै छ ।

सबैभन्दा कम ब्याजदर एनआइसी एसिया बैंकले तोकेको छ, जसले व्यक्तिगत मुद्दती बचतमा ८.९६ प्रतिशतमात्रै ब्याज दिने भएको छ । नबिल बैंक, राष्ट्रिय वाणिज्य बैंक, सानिमा बैंक, प्रभु बैंक, एभरेष्ट बैंकले ९ प्रतिशत ब्याजदर तोकेका छन् ।

एकल बिन्दू ब्याजदर तोक्नेमा एनएमबि बैंक (९.७६%), नेपाल इन्भेष्टमेन्ट मेगा बैंक (९.५१%), ग्लोबल आइएमई बैंक (९.६%), कृषि विकास बैंक (९.५१%), नेपाल बैंक (९.२२%), सिटिजन्स बैंक (९.९५%), सिद्धार्थ बैंक (९.९९%) ब्याजदर तोकेका छन् ।

बैंकमा पर्याप्त लगानीयोग्य रकम बढ्दै गएपछि बैंकले असोजयता बचको ब्याजदर घटाउँदै लगेका छन् । बचतको ब्याजदर घटेपछि कर्जाको ब्याजदर पनि घट्न थालेको छ ।

बचतको ब्याजदर बढ्दा बैंकको लागत बढ्ने हुँदा आधारदर (बेसरेट) पनि बढ्न गइ कर्जाको ब्याजदर बढ्न जान्छ । बचतको ब्याजदर घट्दा लागत पनि घट्ने हुनाले बैंकको आधार दर घट्न गई कर्जाको ब्याजदर पनि घट्ने हुन्छ ।

बैंकले आधार दरमा निश्‍चित प्रतिशत प्रिमियम थपेर कर्जाको ब्याजदर तोक्ने गर्छन् । पछिल्लो समय घरजग्गा कर्जाकै ब्याजदर ११ प्रतिशत बिन्दूमा झर्न थालिसकेको छ । बैंकले कर्जाको ब्याजदर घटाएपछि कर्जा लगानी पनि बढ्दै जाने अनुमान गर्न सकिन्छ ।

अब घरजग्गा किनबेचमा पनि ‘राष्ट्रिय परिचयपत्र’ अनिवार्य

घरभाडालाई आम्दानी देखाएर विदेश पढ्न जानेले ५ प्रतिशत कर तिर्नुपर्ने

कोशीमा इँटा, सिमेन्ट र डन्डी उद्योग संकटमै, इँटाको ८.१%, सिमेन्टको १६.३% मात्रै क्षमता उपयोग

चालु आर्थिक वर्षमा सिमेन्ट–क्लिंकरको निर्यात चार अर्ब पुग्दै

इक्विटी डेभलपर्सको स्किमः २० हजार कमाइ हुनेले पनि घडेरी जोड्न सक्ने

सोह्रौं योजनाको लक्ष्यः योजनाबद्ध, दिगो र उत्थानशील शहरीकरण

जेठमा ३० युनिट अपार्टमेन्ट किनबेच

बागमती प्रदेशको बजेटः 'बृहत हेटौंडा सहर' बनाउन सम्भाव्यता अध्ययन गरिने

3E00679F98793C1-3242FDCEB10212E-house.jpg

घरजग्गा चलायमान बनाउन अर्थमन्त्रीलाई चेम्बरको ४ सुझाव

24F41DF8BCBB5ED-6666.jpeg

तीन अर्बको कारोबार गर्दै सकियो घरजग्गा मेला, ४० हजारले अवलोकन

F69C2C8DB295004-12-18-23-Home-loan-850x450 (1).png

ग्लोबल आइएमई बैंकले ल्यायो ९.९९ प्रतिशत ब्याजदरमै घरकर्जा योजना