घरजग्गा कारोबार घटेपछि राजश्व असुली पनि प्रभावित भएको छ । कार्तिकमा देशभरीबाट २ अर्ब १६ करोड ३८ लाख रुपैयाँ राजश्व संकलन भएको छ ।
काठमाडौं । दशैं तिहारमा लामो समय बिदा हुँदा कार्तिक महिनाको घरजग्गा कारोबार प्रभावित भएको छ ।
दशैं, तिहार र शनिबार गरी १५ दिनसम्म मालपोत कार्यालयहरु बन्द हुँदा देशभरी २६ हजार ४६ घरजग्गाको लिखत पारित भएको छ । जबकी, अशोजमा ३९ हजार ७९३ घरजग्गाको कारोबार (लिखत पारित) भएको भूमि व्यवस्थापन विभागको तथ्यांकले देखाउँछ ।
घरजग्गा कारोबार घटेपछि राजश्व असुली पनि प्रभावित भएको छ । कार्तिकमा देशभरीबाट २ अर्ब १६ करोड ३८ लाख रुपैयाँ राजश्व संकलन भएको छ । असोजमा ४ अर्ब ४३ करोड रुपैयाँ राजश्व संकलन भएको थियो ।
काठमाडौंमा दुई हजार लिखत पारित
काठमाडौंका तीन जिल्लामा रहेका नौ मालपोत कार्यालयबाट कार्तिकमा दुई हजार २० घरजग्गाको लिखत पारित भएको छ, जसका लगनखेलबाट ५०३, गोटिखेलबाट १०, भक्तपुरबाट ४६२, डिल्लीबजारबाट ११७, चावहिलबाट २६७, कलंकीबाट ३७१, साँखुबाट २०१, टोखाबाट ८९ लिखत पारित भएको छ । मनमैंजु मालपोतबाट कार्तिकमा एउटा पनि घरजग्गाको लिखत पारित भएको देखिदैन ।
सबैभन्दा धेरै इनरुवामा
कार्तिकमा पनि सबैभन्दा धेरै घरजग्गाको लिखत पारित (११८२) सुनसरीको इनरुवा मालपोत कार्यालयबाट भएको छ । जनकपुर मालपोत कार्यालयबाट ११ सय ७, झापाको भद्रपुरबाट १ हजार ११, राजविराजबाट ८९५, बेलवारीबाट ७५५, मलंगवामा ६५२, सिरहामा ६३८, धनगढीमा ६३१, जलेश्वरमा ६२८, पर्सा कार्यालयबाट ६०६ घरजग्गाको लिखत पारित भएको छ ।