जेठमा ३० युनिट अपार्टमेन्ट किनबेच

काठमाडौं । जेठ महिनामा घरजग्गा कारोबारसँगै राजश्‍व संकलन र कित्ताकाट बढे पनि अपार्टमेन्ट किनबेच भने न्यून रहेको छ । एक महिनामा ३० युनिट अपार्टमेन्ट मात्रै किनबेच भएको भूमि व्यवस्थापन विभागले जनाएको छ ।

वैशाखमा २८ युनिट अपार्टमेन्ट मात्रै किनबेच भएका थिए । गत वर्षको जेठ महिनामा २९ अपार्टमेन्ट किनबेच भएको तथ्यांक छ ।

११ महिनामा ३१५ युनिट किनबेच

चालु आर्थिक वर्षको ११ महिनामा देशभर ३१५ युनिट अपार्टमेन्ट किनबेच भएको विभागले जनाएको छ । सबैभन्दा धेरै भदौमा ४५ अपार्टमेन्ट किनबेच भएका थिए भने सबैभन्दा कम चैतमा १८ युनिट किनबेच भएका थिए ।

आर्थिक वर्षको पहिलो महिना साउनमा ३०, भदौमा ४५, असोजमा ३८, कार्तिक र मंसिरमा २२÷२२, पुसमा २८, माघमा २५, फागुनमा २९, चैतमा १८, वैशाखमा २८ र जेठमा ३० अपार्टमेन्ट किनबेच भएको विभागले जनाएको छ ।