भाडामा बस्‍न अपार्टमेन्ट चाहियो ? यहाँ छन् ३५ हजारदेखि दुई लाखसम्म भाडाका अपार्टमेन्ट

काठमाडौं । के तपाईं भाडामा बस्नका लागि हाइराइज अपार्टमेन्टको खोजीमा हुनुहुन्छ ? यदि उपत्यकामा अपार्टमेन्टको खोजिमा हुनुहुन्छ भने हामी तपाइँलाई भाडामा राखिएका केही अपार्टमेन्टका बारेमा जानकारी गराउँदै छौं । 

बहुतले भवनका अपार्टमेन्टमा बस्‍न अलि चर्को भाडा तिर्न सक्नुपर्छ, काठमाडौं र ललितपुरमा सुविधा सम्पन्‍न अपार्टमेन्ट रोजीरोजी भाडामा लिन पाइन्छन् ।

सुविधाका आधारमा अपार्टमेन्टको भाडा तय गरिएको हुन्छ । स्वीमिङ पुल, खुला ठाउँ, क्लव, रेष्टुरेन्ट, ग्रोसरी सप, कम्युनीटि हल लगायत सुविधाहरु भएका अपार्टमेन्टको भाडा पनि महंगो हुन्छ । पार्किङ मात्र रहेका अपार्टमेन्टको भाडा पनि कम नै राखिएको हुन्छ । 

जुनसुकै अपार्टमेन्टमा बसेपनि चौबिसै घण्टा गार्ड, सिसी क्यामेरा, पार्किङ, खानेपानी, ढल निकासलगायत न्यूनतम सुविधाहरु रहेका हुन्छन् । सेवा, सुविधा र सुरक्षा व्यवस्थाका हिसावले पनि अपार्टमेन्टको बसाइ सानदार हुने गर्छ । 

आज तपाइँलाई काठमाडौं र ललिपुरका विभिन्‍न ठाउँमा भाडामा दिन लिस्टिङ गरिएका दुई बेडरुम हलका १० अपार्टमेन्टको बारेमा जानकारी गराउँदै छौं, जुन तपाइँका लागि उपयुक्त विकल्प समेत हुन सक्छ । 
यी हुन् दुई बेडरुमका १० अपार्टमेन्ट

१) महाराजगञ्‍जमा रहेको प्रिमियर अपार्टमेन्टमा एक हजार वर्गफुट क्षेत्रफलको दुई बेडरुम हल (टु बिएचके) अपार्टमेन्ट भाडामा राखिएको छ । बच्चाहरुका लागि खेल्ने ठाउँदेखि स्वीमिङ पुलसम्म यस अपार्टमेन्टमा छ । चौथो तलामा अवस्थित यस फुल फर्निस्ड अपार्टमेन्टको मासिक भाडा १ लाख रुपैयाँ राखिएको छ ।

२) बालकुमारीमा रहेको वेस्टार रेसिडेन्सीमा पश्चिम मोहडा फर्किएको दुई बेडरुम हलको अपार्टमेन्ट भाडामा छ । दोस्रो तलामा रहेको सो अपार्टमेन्टको मासिक भाडा ६५ हजार मात्र तोकिएको छ । वेस्टार रेसिडेन्सी आफैमा सुविधा सम्पन्‍न आवास परियोजना हो ।

३) झम्सिखेलको सिटी भ्यू अपार्टमेन्ट्समा ११ सय वर्गफुट क्षेत्रफल भएको दुई बेडरुम हलको अपार्टमेन्ट भाडामा उपलब्ध छ । तेस्रो तलामा अवस्थित सो अपार्टमेन्टको मोहोडा उत्तर–पूर्व फर्किएको छ । फुल फर्निस्ड यस अपार्टमेन्टको मासिक भाडा १ लाख तोकिएको छ ।

४) ललितपुरको ज्वागलमा रहेको रियो अपार्टमेन्टमा १२ सय वर्गफुट क्षेत्रफलको दुई बेडरुम हल अपार्टमेन्ट भाडामा लिन सूचीकृत गरिएको छ । उत्तर–पूर्वी मोहडा फर्किएको सो अपार्टमेन्टको मासिक भाडा ६० हजार भनिएको छ ।

५) थापाथलीमा १५ सय वर्गफुट क्षेत्रफलको पुर्णतया फर्निचरले सु–सज्जित दुई बेडरुम हलको अपार्टमेन्ट भाडामा लिन सूचीकृत छ । तेस्रो तलामा रहेको पूर्वी मोहडा फर्किएको सो अपार्टमेन्टको मासिक भाडा १ लाख ५० हजार छ ।

६) पेप्सीकोलामा करिब आठ सय वर्गफुट क्षेत्रफलको पुर्णतय सु–सज्जित दुई बेडरुम हलको अपार्टमेन्ट भाडामा छ । तेस्रो तलामा रहेको र पूर्वी मोहडा फर्किएको सो अपार्टमेन्टको मासिक भाडा ५० हजार राखिएको छ ।

७) ठमेलमा एक हजार वर्ग फुट क्षेत्रफलको दुई बेडरुम हलको अपार्टमेन्ट भाडामा छ, जसको मासिक भाडा ९० हजार राखिएको छ ।

८) महाराजगंजमा एक हजार वर्ग फुट क्षेत्रफलको दुई बेडरुम हलको सुविधा सम्पन्‍न अपार्टमेन्ट भाडामा रहेको छ । तेस्रो तल्लामा रहेको फुल फर्निस्ड सो अपार्टमेन्टको मासिक भाडा १ लाख ८० हजार भनिएको छ ।

९) पेप्सीकोलाको सनसिटी अपार्टमेन्टमा एक हजार वर्गफुट क्षेत्रफल भएको दुई बेडरुम हलको अपार्टमेन्ट भाडामा उपलब्ध छ । नवौं तल्लामा रहेको र उपत्यकाको सुन्दर दृश्यावलोकन गर्न सकिने सो अपार्टमेन्टको मासिक भाडा ४० हजार रुपैयाँ राखिएको छ । अपार्टमेन्ट दक्षिण मोहडा फर्किएको छ ।

१०) धापाखेलमा रहेको डाउनटाउन अपार्टमेन्ट्समा दुई बेडरुम हलको अपार्टमेन्ट भाडामा राखिएको छ । पाँचौ तलामा अवस्थित सो अपार्टमेन्टको मासिक भाडा ३५ हजार मात्र रहेको छ ।