फेरी घट्यो बैंकको ब्याजदर, अशोजमा २ बैंकले मात्र बढाए

काठमाडौं । आर्थिक गतिविधि सुस्त भएर कर्जा प्रवाह बढ्न नसकेपछि बैंक तथा वित्तीय संस्थाहरुले निक्षेपको व्याजदर निरन्तर घटाइरहेका छन् । 

वाणिज्य बैंकहरुमा असोज महिनाका लागि मुद्दति निक्षेपको व्याजदर औषतमा ०.१५ बिन्दूले घटेको छ । 

अब असोज महिनामा वाणिज्य बैंकहरुमा व्यक्तिगततर्फ मुद्दति निक्षेप राख्दा ब्याजदर औषतमा ६.३८ प्रतिशत पाइने भएको छ । भदौमा वाणिज्य बैंकहरुको औषत ब्याजदर ६.५३ प्रतिशत छ । 

असोजका लागि १० वाणिज्य बैंकले ब्याजदर घटाएका छन् भने दुई बैंक नेपाल बैंक र कृषि विकास बैंकले ब्याजदर सामान्य बढाएका छन् । यस्तै, आठ बैंकले भदौकै ब्याजदरलाई असोजमा पनि निरन्तरता दिएका छन् ।

नेपाल बैंकले ०.७० प्रतिशत बिन्दू र कृषि विकास बैंकले ०.०१ प्रतिशत बिन्दूले ब्याजदर बढाएका हुन् । 

बैंकिङ प्रणालीमा अधिक तरलता थुप्रिदा बैंकहरुले कर्जाको ब्याजदर निरन्तर घटाइरहेका हुन् । पछिल्लो समय कर्जाको व्याजदर एकल बिन्दूमा झर्दा समेत कर्जा प्रवाह हुन सकेको छैन । 

अधिक तरलता भएपछि ब्याजदर घटाउन बैंकहरुबीच प्रतिस्पर्धा नै चलिहरेको छ । 

कुन बैंकको कति ब्याजदर