ठुलो भर्‍याङमा बन्दैछ ‘पद्म आइकोनिक टावर’, १० तले अपार्टमेन्टको प्रि–बुकिङ सुरु

काठमाडौं । हाउजिङ परियोजनामा पायोनियर मानिएको पद्म कोलोनीले बहुतले अपार्टमेन्ट निर्माण गर्ने भएको छ । कम्पनीले ठूलो भर्याङमा १० तले अपार्टमेन्ट ‘पद्म आइकोनिक टावर’ निर्माण सुरु गर्न लागेको हो । 

पद्म कोलोनीले पहिलो पटक अपार्टमेन्टमा हात हालेको हो । रिङरोडसँगै जोडिने अपार्टमेन्ट परियोजना छिट्टै निर्माण सुरु गर्ने कम्पनीको सिनियर सेल्स एन्ड मार्केटिङ म्यानेजर सुशीला सुवेदीले बताइन् ।  

पद्मले हाउजिङको चौथो फेजसम्म निर्माण सम्पन्‍न गरिसकेको छ । पाँचौ फेज काठमाडौंकै डाँडापौवा र छैठौं फेज पूर्वी नेपालको ‘इमर्जिङ सिटी’ इटहरीमा निर्माण गर्ने कम्पनीको तयारी छ ।

स्वयम्भूबाट आठ सय मिटर दुरीमा रहने अपार्टमेन्ट पाँच रोपनी नौ आना क्षेत्रफलमा निर्माण हुनेछ । अपार्टमेन्टमा तीन प्रकारका कुल एक सय ३४ युनिट फ्ल्याट रहने सुवेदीले बताइन् । 

चाडै नै लञ्‍च गर्ने तयारी भइरहेको पद्म आइकोनिक टावरमा प्रि–बुकिङ सुरु भइसकेको छ । अहिलेसम्म ३५ प्रतिशत युनिट बुकिङ भइसकेको उनको भनाई छ । 

अपार्टमेन्टमा एक, दुई र तीन बीएचके युनिट रहनेछन् । सबैभन्दा सानो युनिट ६७६.६५ वर्गफिटको र सबैभन्दा ठूलो ११८०.६४ वर्गफिटको हुनेछ । 

वान बीचएके १८ युनिट, टु बीएचके ६८ युनिट र थ्रि बीएचके ४८ युनिट रहने सुवेदीले जानकारी दिइन । 

वान बिएचके अपार्टमेन्ट पनि दुई प्रकारका हुनेछन् । एउटामा एट्याच र कमन गरी दुई बाथरुम हुनेछन् भने अर्कोमा कमन बाथरुम मात्र हुनेछ । टु बीएचके ८२६.६७ वर्गफिटदेखि १११९.३७ वर्गफिटसम्म सात प्रकारका हुनेछन् । 

थ्री बीएचके युनिट १०९१.४४ वर्गफिटदेखि ११८०.६४ वर्गफिटसम्मका हुनेछन् । अपार्टमेन्टको मूल्य प्रतिबर्गफिट २१ हजार रुपैयाँबाट सुरु हुने सुवेदीले बताइन् । 

अपार्टमेन्टका विशेषताहरु

अपार्टमेन्टमा ड्राईङ एन्ड डाइनिङ रुम, बेडरुम, किचेन, बाल्कोनी, बाथरुम, लबी/करिडोर लगायत हुनेछन् । सबै फ्ल्याटहरुमा टिक काठको ढोका, प्रिमियम पोलिससहितका युपिभिसी झ्याल, भेन्सर र लाक्कर पोलिससहितको फ्लस डोर, पुटिङ लगाएर फिनिसिङ गरिएका चिल्ला वालहरु हुनेछन् । 

ड्राईङ एन्ड डाइनिङ रुममा इटालियन मार्बल प्रयोग गरिनेछ । बेड रुममा भिट्रिफाइड टायल फ्लोरिङ हुनेछ । किचनमा पनि भिट्रिफाइड टायल फ्लोरिङ, ग्रेनाइट लगाइएको मोडुलर किचन हुनेछ । बाथरुममा एन्टिस्किड सेरामिक टायल फ्लोरिङ राखिने बताइएको छ ।

आधुनिक डिजाइनमा बनाइने भूकम्प प्रतिरोधी अपार्टमेन्टमा चौबिसै घण्टा सेकुरिटीको सुविधा हुनेछ । यस्तै, ग्राहकले अपार्टमेन्टको फुल अनरसीप पाउनेछन् । अपार्टमेन्ट परिसरमै पार्टी हल, इन्डोर गेम, स्वीमिङ पुल, स्पा, योगा, जीम हल हुनेछन् ।

रिङरोडसँग जोडिने अपार्टमेन्ट शहरको सुविधायूक्त ठाउँमा रहेको छ । ग्राहकहरुले अफर्डेवल मूल्यमा विलासी सुविधायूक्त आवासमा बस्‍न पाउने कम्पनीको भनाई छ । वास्तुलाई विशेष ध्यान दिइएको अपार्टमेन्टमा प्रिमियम सामाग्रीहरु प्रयोग गरिने बताइएको छ । 

अपार्टमेन्टमा बस्दा शान्त र खुलापन महशुस हुनेछ ।

पद्मको चौथो फिज निर्माण सम्पन्‍न भएर पनि घरहरु बिक्री भईसकेका छन् । पाँचौं फेज डाँडापौवामा बनाउँदै छ । यस्तै, इटहरीमा छैठौं फेजको हाउजिङ प्रोजेक्ट निर्माणको तयारी भइरहेको छ । 

‘सातौं फेजको रुपमा अपार्टमेन्ट निर्माण गर्न लागेका छौं’ सुवेदीले भनिन्, ‘पाँचौं र सातौं फेजको निर्माण सँगसँगै अगाडि बढाउने योजना छ ।’