काभ्रेमा खुल्दैछ ३८ करोड लगानीमा टफन्ड सिसा उद्योग

काठमाडौं । नेपाल घर/भवन बनाउँदा झ्याल ढोकादेखि अफिस पार्टेसनसम्म सिसालेबनाउन थालिएको छ । भवनको भर्याङ, पार्क, स्वीमिङ पुल, अफिसका क्याविन, पसल, भवनको बाहिरी भाग बनाउन पनि सिसाकै प्रयोग गरिन्छ ।
अरु धेरै काममा पनि सिसाकै प्रयोग हुन थालेको छक ।

तर, प्रयोग बढे पनि टफन्ड ग्लास (सिसा) भने भारतबाट तयारी अवस्थामै आयात गर्नुपर्ने अवस्था छ । भैरहवालगायत केही ठाउँमा एकाध बाहेक टफन्ड ग्लास उद्योग खुलेका छैनन् । तर, झ्याल, ढोकादेखि धेरै ठाउँमा टफन्ड ग्लास (कडा सिसा) प्रयोग गरिन थालेको छ ।

वर्षौंदेखि सिसाको व्यापार गर्दै आइरहेको बालाजी ग्लासले काभ्रेमा टफन ग्लास उद्योग खोल्ने भएको छ । यो व्यापारीक घरानाले १४ फागुन २०७९ काभ्रेको बनेपा नगरपालिका वडा नम्बर ४ मा उद्योग खोल्ने गरी बालाजी ग्लास इन्डष्ट्रिज प्रालि उद्योग दर्ता समेत गरेको छ ।

उद्योग विभागमा बालाजीले टफन्ड ग्लास उद्योग खोल्न ३८ लाख रुपैयाँ लगानी गर्ने प्रतिवद्धता जनाएको छ । जसमध्ये ३३ करोड ७९ लाख ५० हजार चुक्ता पुँजी र ४ करोड २० लाख रुपयाँ चालु पूँजी हुनेछ ।

यो उद्योगले वार्षिक ३१ लाख २५ हजार स्क्वायर फिट विभिन्न साइजका टफन्ड ग्लास उत्पान गर्ने जनाएको छ ।

शतप्रतिशत् स्वदेशी लगानी रहने यस उद्योग सञ्चालनमा आउँदा ५० जनाले प्रत्यक्ष रोजगारी पाउनेछन् । यस्तै, उद्योग सञ्चालनका लागि ६ सय केभीए लाइन आवश्यक पर्नेछ ।