भदौमा १२ बैंकले निक्षेपको ब्याजदर घटाए, दुईले बढाए, कसको कति ?

काठमाडौं । बैंकमा निक्षेपको ब्याजदर घट्ने क्रम जारी छ । साउनको तुलनामा भदौ महिनामा धेरै वाणिज्य बैंकले मुद्दती निक्षेपको ब्याजदर घटाएका छन् ।

वाणिज्य बैंकहरुले भदौ महिनाका लागि प्रकाशित गरेको ब्याजदरको विवरणअनुसार भदौमा २० मध्ये १२ वाणिज्य बैंकले मुद्दती निक्षेपको ब्याजदर घटाएका छन् भने दुई बैंकले बढाएका छन् । ६ वाणिज्य बैंकले भने साउनकै ब्यादर भदौका लागि पनि कायम गरेको प्रकाशित विवरणमा देखिन्छ । 

अहिले आगामी महिनाका लागि चालू महिनाको अन्तिम दिनसम्म ब्याजदर तोक्नुपर्ने नेपाल राष्ट्र बैंकले व्यवस्था गरेको हो । 

धेरै बैंकले ब्याजदर घटाएपछि भदौ महिनामा पनि औषत ब्याजदर ०.१८ बिन्दूले घटेको छ । साउनम वाणिज्य बैंकहरुको औषत ब्याजदर ६.७२ प्रतिशत रहेकोमा भदौमा घटेर ६.५४ प्रतिशतमा झरेको देखिन्छ । 

दुई वाण्ज्यि बैंकहरु हिमालयन र प्रमाइम कमर्सियल बैंकले भने भदौका लागि मुद्दती निक्षेपको ब्याजदर क्रमशः ०.७५ र ०.२५ प्रतिशत बिन्दूले बढाएका छन् । 

साउन र भदौका लागि एउटै ब्याजदर कायम राख्ने बैंकहरुमा सिटिजन्स, नबिल, ग्लोबल आइएमई, स्टान्डर्ड चार्टर्ड, एभरेष्ट र कुमारी बैंक रहेका छन् । 

एनएमबि र एनआइसी एशियामा धेरै ब्याजदर

भदौ महिनामा मुद्दती खातामा सबैभन्दा बढी ब्याजदर एनएमबि र एनआइसी शिया बैंकमा पाइने भएको छ । भदौका लागि ०.१२ प्रतिशत बिन्दूले ब्याजदर घटेपनि एनएमबि र एनआइसी एशिया बैंकले मुद्दती निक्षेपमा ७.४१ प्रतिशत ब्याज दिने भएका छन् ।

यस्तै, नबिल र स्टान्डर्ड चार्टर्ड बैंकले मुद्दति निक्षेपमा ७।७ प्रतिशत ब्याजदर दिनेछन् ।

मुद्दती निक्षेपमा सबैभन्दा कम ब्याजदर सरकारी स्वामित्वको नेपाल बैंकले ५.२५ प्रतिशत र लक्ष्मी सनराइज बैंकले ५.५ प्रतिशत दिने भएका छन् । 

निक्षेपको ब्याजदर घटेपछि कर्जाको ब्याजदर पनि निरन्तर घटिरहेको छ । निक्षेको ब्याजदर घट्ने वित्तिकै बैंकको कष्ट अफ फन्ड घट्न जान्छ । बैंकको कष्ट अफ फन्ड घट्ने वित्तिकै आधार दर (बेसरेट) पनि घट्ने र कर्जाको ब्याजदर पनि घट्ने हुन्छ ।

मुद्दती निक्षेपमा कुन बैंकको कति ब्याजदर ?