यता छन् तीन करोडसम्मका अपार्टमेन्ट बिक्रीमा

काठमाडौं । ०७२ को विनाशकारी भूकम्पपछि नयाँ अपार्टमेन्ट परियोजनाहरु नबनेको हुँदा स्टकमा नयाँ अपार्टमेन्ट युनिट त्यति छैनन् । 

पछिल्लो समय बनाउन सुरु गरिएका धेरै अपार्टमेन्ट अझै पुरा भएका छैनन् । ती पनि मन्दीले होल्डमा गइसकेका छन् । यसैले अपार्टमेन्ट किनबेच पनि निकै न्यून छ । तैपनि नयाँ तथा पुराना अपार्टमेन्ट फाट्टफुट्ट किनबेच भने भइरहेकै छन् । 

हामीले काठमाडौं उपत्यकामा बिक्रीमा राखिएका सवा करोडदेखि तीन करोडसम्मका अपार्टमेन्टका बारेमा जानकारी गराउँदै छौं ।     

१) ललितपुरको नख्खुमा रहेको सनराइज अपार्टमेन्टमा चार बेडरुम हलको अपार्टमेन्ट बिक्रीका लागि लिस्टिङ गरिएको छ । पश्चिम मोहडा फर्किएको सेमिफर्निस्ड अपार्टमेन्टको मूल्य दुई करोड २० लाख रुपैयाँ तोकिएको छ । अपार्टमेन्टमा पार्किङ एथेष्ट रहेको छ ।

२) सनराइज अपार्टमेन्टमै चौथो तल्लामा अर्को तीन बेडरुम हलको सुसज्जित अपार्टमेन्ट बिक्रीमा राखिएको छ । पूर्वी मोहडा फर्किएको यस अपार्टमेन्टको क्षेत्रफल ११ सय २० वर्गफुट रहेको छ, जसको बिक्री मूल्य एक करोड ८० लाख भनिएको छ ।

३) पेप्सिकोलामा रहेको सनसिटी अपार्टमेन्टमा ८६० वर्गफुट क्षेत्रफल भएको दुई बेडरुम हलको अपार्टमेन्ट बिक्रीमा छ । दक्षिण मोहडा फर्किएको यो अपार्टमेन्ट दोस्रो तल्लामा छ । जसको मूल्य एक करोड ४० लाख रुपैयाँ तोकिएको छ ।

४) धापासीमा ७१४ वर्गफुट क्षेत्रफल भएको एक बेडरुम हलको अपार्टमेन्ट बिक्रिका लागि लिस्टिङ गरिएको छ । पूर्वी मोहडा फर्किएको यस अपार्टमेन्टको मूल्य एक करोड २५ लाख राखिएको छ ।

५) ललितपुरको नख्खुमा रहेको सनराइज अपार्टमेन्टमै अर्को युनिट पनि बिक्रीमा छ । दुई बेडरुम हलको अपार्टमेन्ट दक्षिण मोहडा फर्किएको छ । ८२२ वर्गफुट क्षेत्रफल रहेको यो अपार्टमेन्टको मूल्य एक करोड २५ लाख रुपैयाँ तोकिएको छ ।

६) ललितपुरको हात्तिवनस्थित क्लासिक टावरको चौथो तल्लामा सुविधायूक्त अपार्टमेन्ट युनिट बिक्रीमा उपलब्ध छ । ११ सय ५० वर्गफुट क्षेत्रफल भएको तीन बेडरुम हलको अपार्टमेन्टको दक्षिणतर्फ मोहडा फर्किएको छ । यो अपार्टमेन्टको मूल्य एक करोड ६७ लाख तोकिएको छ ।

७) अनामनगरमा रहेको सनराइज सिटी होम्समा ११ सय ६४ वर्गफुट क्षेत्रफलको तीन बेडरुम हलको अपार्टमेन्ट बिक्रीमा छ । पूर्वी मोहडा फर्किएको यो अपार्टमेन्ट दोस्रो तल्लामा छ, जसको मूल्य दुई करोड ८० लाख राखिएको छ ।

८) ललितपुरको धापाखेलमा रहेको डाउनटाउन अपार्टमेन्टमा १०३३ वर्गफुट क्षेत्रफलको अपार्टमेन्ट बिक्रीका लागि लिस्टिङ गरिएको छ । तीन बेडरुम हलको अपार्टमेन्ट पूर्वतर्फ फर्किएको छ । सुविधा सम्पन्न यो अपार्टमेन्टको मूल्य एक करोड ८७ लाख तोकिएको छ ।

९) धापाखेलकै डाउनटाउन अपार्टमेन्टमा अर्को पनि अपार्टमेन्ट युनिट बिक्रीमा छ । १२ सय ९५ वर्गफुट क्षेत्रफलमा फैलिएको तीन बेडरुम हलको अपार्टमेन्ट एघारौं तलामा अवस्थित छ । उत्तर–पूर्वी मोहडा फर्किएको सुविधासम्पन्न अपार्टमेन्टको मूल्य दुई करोड ३० लाख तोकिएको छ ।

१०) हात्तिवनको सिटीस्केप अपार्टमेन्टमा तेस्रो तल्लामा स्थित पूर्वी मोहडा फर्किएको एक बेडरुमहलको अपार्टमेन्ट बिक्रिमा रहेको छ । सम्पूर्ण सुविधाले युक्त यस ७५० वर्ग फुट क्षेत्रफलको फर्निस्ड अपार्टमेन्टको बिक्रि मूल्य १ करोड ५० लाख राखिएको छ ।